MARSEILLE

Aurreko klasean taldetan banatu eta Marsellari buruzko hausnarketa egitea proposatu zitzaigun. Talde desberdinak elkartuz, egoera eta ideia desberdinak mahaigaineratu genituen.  Hasteko, 2013rako Europako Hiri Kulturala izateko programa begiratzen aritu ginen, eta proposatu diren eraikuntzek, Marsella hiri zaharraren esentzia transmititzen ez dutelakoan gaude. 

 Historian zehar, Marsellak izan duen kokapen estrategikoagatik, Mediterraneo itsasoan hiri garrantzitsu bilakatu zen.  Jarduera ekonomiko nagusia itsasotik zetorren, ondorioz, portuak izugarrizko indarra hartuz, XVII.mende inguruan. Gaur egun, Provenza eskualdeko hiri esanguratsuenetako bat dugu.

Hau guztia aintzat hartuz, gure helburu nagusia, Marsella zaharra berreskuratzea izango da, kai giroa, kaleko bizimodua… . Merkataritza, trukea… orokorrean jendearen joan etorria aktibatuko duen zerbait proposatzea, 2013rako proiektatuta dauden moduko pabiloetaz aldenduz, aisialdi, museo, esposaketa, argazkilaritza, eta abarretan oinarritzen diren horietakoak.

Kontuan izanda, gainera, erabilera horretarako proposatzen diren eraikinak urte horretan zehar besterik erabiliak ez direla, iraungitze data izango balute bezala. Horregatik, gure flotanteak antzeko ezaugarriak izan ditzaken beste hiri zein herri  batean ezartzeko aukera eskaintzea izango du helburu, Donostia 2016 adibidez.