Txoritokia: 2.fasean, aukerak aztertzen...

Marsellan izan eta gero, eta txoritokiak hartuko duen eremua bisitatu ondoren, honako ondorio hauek atera ditugu; proposamena egn aurretik, bertan pairatutako sentsazioetatik abiatu gara, zonaldearen analisi kritiko bat eginez.
Hasteko :
1- irisgarritasun aldetik nahiko oker dagoen eremua da, oinezkoak bertara erraztasunez heltzea bermatu beharko den puntu bat izango da.
2-Aldi berean, oinezko sarea eta kotxeena banatzea komenigarria deritzogu; nahaste handiegia dago sare bien artean, eta ountu batetik besterako jarraipenik ez dago.
3-  bista ederrak aprobetxatzeko aukera duen zonaldea izan daiteke, baina "erakartasunik" ez duela uste dugu, beraz, txoritokiarekin, puntu esanguratsu bilakatu nahi izango da; bistara erakargarria eta bisten parte bihurtu nahiko dugu.

PROPOSAMENAK...

1- Egitura nagusia garabiaren ordez, PASARELA bat egingo da.

2- Egitura inguratzeko, bigarren egitura ARIN bat sartuko diogu.

3- Erabilera nagusia ABIARIOA; honez gain, aparteko aukera eskaini nahi dira, museo, interpretazio gune, etb...

Egitura nagusia garabia litzateke, hasiera batean behintat, baina arestian aipatutako kokapen geografiko eskasagatik, eta portuko zonaldearekin loturak errazagoak bilakatzeko, gure proposamena bigarren egitura bat sartzean datza, garabia egitura sekundario edo laguntzaile bilakatuz.

Gure lehen ideiak, pasarela batera murrizten dira. 

Lehen analisi batean, eremuan harresia eta portua gailentzen zaizkigu; bertako parajea deskribizen dituzten elementu hauek aintzat hartuz, abiarioa paisaira integratzea izango da erronkarik handiena, eta beraz, pasarelatan pentsatzen hasi gara, Monpaseko pasarela gogoratuz.

monpaseko pasarelaren irudi batzuk

Gure proiektua, San Victor Abadiaren plazan izango luke jatorria. Bertatik, eta kota aldaketak kontuan izanda, hainbeste baitaude eta, egun dagoen izugarrizko hormatik pasarela zintzilikatuko genuke, harresiaren hormetan interbentzio minimoena suposatuz.